_ homepage
Servezzan social
Servezzan social regiunal Engiadina Bassa - Val Müstair
La cussagliaziun sociala e l'agüd social sgüran l'existenza da persunas in bsögn, promouvan lur independenza economica e persunala e sustegnan l'integraziun sociala e professiunala.
La cussagliaziun succeda sün basa voluntaria ed es gratuita. Collavuraturas e collavuratuors sun suottamiss a l'oblig da discreziun.
L'agüd social disferenzchescha tanter agüd material (sustegn public) ed agüd persunal (cussagliaziun sociala).
Ils servezzans socials regiunals güdan a la cliantella ed a las autoritats cumünalas in cas da dumondas per ün sustegn finanzial.
Ils cumüns decidan davart l'otezza da quist agüd social.
La cussagliaziun es la lezcha dals servezzans socials regiunals. Ils servezzans socials spordschan agüd professiunal a persunas singulas, famiglias, giuvenils ed a persunas cun problems da drogas.
In quist connex vegnan elavurats ils seguaints temas:
|
- |
Problems persunals e familiars |
|
- |
Dumondas davart l'educaziun, separaziun, dret da visita e relaziuns |
|
- |
Situaziuns finanzialas difficilas, cussagliaziun da büdschet, sanaziun da debits |
|
- |
Dumondas davart las sgüranzas socialas, dret da lavur e dret da fittada |
|
- |
Sclerimaints e dumondas in connex cun uffants confidats |
|
- |
Dumondas per contribuziuns da maternità |
|
- |
Dumonda per sustegn public |
|
- |
Dumondas in connex cun drogas |
Per persunas cun domicil i'l cumün da Lavin es respunsabel il servezzan social regiunal Engiadina Bassa - Val Müstair a Scuol.
Contact
Servezzan social Engiadina Bassa - Val Müstair
Chasa du Parc
7550 Scuol
T: 081 864 12 68
F: 081 864 85 65
E-mail: Anna.Chatrina.Brunold@soa.gr.ch