Conferenza d'avegnir

Als 7 / 8 schner 2011 ha gnü lö in sala polivalenta üna conferenza d'avegnir manada dal coach Reto Martinelli da Luthern (LU).
Il böt da la conferenza es da svilupar in discuors cumünaivels visiuns pel cumün da Lavin e da chattar in gruppas da lavur vias per tillas realisar. In occasiun da la conferenza s'han fuormadas gruppas da lavur chi s'occuppan dals temas Integraziun e lingua, abitadi, svilup economic ed energia.

Illa cuort da la chancellaria es montada vi da la paraid üna chartera cul titel "maisa da discussiun" ingio cha minchün ha la pussibiltà dad inoltrar intimaziuns, ideas, visiuns o quai chi occuppa in connex cul svilup da cumün.

In maisas da discussiun dessan las ideas lura gnir discusas e svilupadas.

Il magistrat invida a chi chi'd ha temp e vöglia da contribuir quai chi til stà a cour a favur na be da nos cumün ma eir da nos intschess.

Quia suotvart es publichà in fuorma da PDF il rapport da la conferenza dals 7 / 8 schner 2011:

Grazcha per lur interss!